Palawan – Timbog ang isang lalaki sa ikinasang drug buy-bust operation ng Coron Municipal Police Station sa Sitio Jolo, Brgy. 5, Coron, Palawan noong ika-7 ng Nobyembre 2023.
Kinilala ni Police Captain Marvin Herrera, Officer-In-Charge ng Coron MPS, ang naarestong suspek na si alyas “Jose”, 60 at residente ng Brgy. 5, Coron, Palawan.
Ayon kay PCpt Herrera, naaresto ang suspek matapos nabilhan ng isang pulis na nagpanggap ng poseur buyer ang suspek ng apat na pakete ng pinaghihinalaang shabu na nagkakahalaga ng Php2,000.
Narecover sa pangangalaga ng suspek ang 66 na pakete ng pinaghihinalaang shabu na may kabuuang limang gramo at may street value na Php36,000.
Sa kasalukuyan, ang naarestong suspek ay nasa pangangalaga ng Coron MPS habang inihahanda ang kasong paglabag sa RA 9165 o Comprehensive Dangerous Drugs Act of 2002.
Panulat ni Patrolman Erwin Calaus
