Bulacan – Boluntaryong binawi ang suporta ng mga dating miyembro ng Kalipunan ng Damayang Mahihirap (KADAMAY) sa komunistang teroristang grupo sa Barangay Cacarong Matanda, Pandi, Bulacan nito lamang Linggo, ika-27 ng Agosto 2023.
Pinamunuan ito ni Police Lieutenant Colonel Ismael Gauna, Force Commander ng Bulacan 2nd Provincial Mobile Force Company.
Umaabot sa 64 na dating miyembro ng KADAMAY ang nahikayat upang magbalik-loob sa pamahalaan.
Lumagda ang mga ito ng Oath of Allegiance to the Government na kung saan nagpapatunay ng katapatan at pagtalikod sa komunistang teroristang grupo.
Kasabay nito ang paghahatid ng tulong ng Bulacan PNP gaya ng bigas at grocery packs kaugnay sa Enhanced Comprehensive Local Integration Program o E-CLIP na programa ng ating pamahalaan.
Matagumpay ang pagsisikap ng Bulacan PNP na hikayatin ang ating mga kababayan na talikuran ang komunistang grupo na walang ibang dala kundi karahasan at terorismo at dahil sa mahigpit na pagpapaigting ng pulisya laban sa insurhensiya at terorismo.
Source: Bulacan 2nd PMFC
Panulat ni PCpl Jeselle V Rivera
