Police Regional Office 12 – Sa walang tigil na pagsisikap ng National Task Force to End Local Communist Armed Conflict (NTF-ELCAC), may kabuuang 64 na miyembro at tagasuporta ng Communist Terrorist Group ang sumuko sa Police Regional Office 12 mula Agosto 8 hanggang Setyembre 27, 2022.
Sa mahigit isang buwan na panunungkulan ni Police Brigadier General Jimili L Macaraeg bilang bagong Regional Director ng PRO 12 mula noong Ika-8 ng Agosto, may naitalang 64 Former Rebels (FR) ang sumuko sa kapulisan ng SOCCSKSARGEN sa tulong ng AFP, DILG at iba pang ahensya ng gobyerno at sa suporta ng pamayanan.
Ayon kay PBGen Macaraeg, isinuko din ng mga FR ang mga baril at Explosive Device ng mga ito.
Ayon pa kay PBGen Macaraeg, agad namang nakatanggap ng tulong ang lahat ng sumuko mula sa ating gobyerno at sa ngayon ay patuloy pa rin silang sumasailalim at nakikinabang sa Enhanced Comprehensive Local Integration Program (E-CLIP).
Samantala, ang dalawang arestado na CTG members sa bisa ng Warrant of Arrest ay tinutulungan rin ng PNP.
Isa sa mga naging dahilan ng kanilang pagsuko ay gusto na nilang bumalik sa malaya at mapayapang buhay.
“Biktima rin kami ng mga kasinungalingan at panlilinlang ng mga komunistang grupo. Gusto namin ng kapayapaan. Ang CPP-NPA ay naghahasik ng takot at lagim sa komunidad at ito ang isa sa aming mga dahilan para sumuko sa mga otoridad,” aniya ng isang sumuko.
Life is Beautiful… kaya tulong-tulong po tayong hikayatin ang mga natitira pang miyembro at pinuno ng mga komunistang grupo na sumuko dahil ang PNP ay kakampi niyo sa pagkamit ng isang maayos, mapayapa at maunlad na komunidad.
Source: Police Regional Office 12-Public Information Office
Panulat ni Patrolman Khnerwin Jay A Medelin
