Cagayan de Oro City – Anim na indibidwal na sangkot sa carnapping incident ang dinakip ng mga tauhan ng Baloi Municipal Police Station nito lamang Enero 31, 2024 sa N and N Hardware, Brgy. West Poblacion, Baloi, Lanao del Norte.
Ayon sa Baloi Municipal Police Station, natunton ng may-ari ang kanyang motorsiklo na nasa San, Martin, Villanueva, Misamis Oriental sa pamamagitan ng GPS na nakalagay sa kanyang motorsiklo.
Naaresto ang mga suspek na pawang mga residente ng Matungao, Lanao del Norte.
Kasong paglabag sa R.A. No. 10883 o mas kilala bilang New Anti-Carnapping Act of 2016, ang isasampa laban sa mga suspek.
Ang Police Regional Office 10 ay hindi titigil sa kampanya kontra kriminalidad para sa pagpapanatili ng kapayapaan at kaayusan ng komunidad.
