Northern Samar – Nagbalik-loob sa pamahalaan ang anim na miyembro ng Communist Terrorist Group sa pamamagitan ng Northern Samar PNP sa Brgy. Paguite, Lope de Vega, Northern Samar nitong ika-18 ng Hulyo 2023.
Kinilala ni Police Major Norman Kiat-ong, Force Commander ng 1st Northern Samar Provincial Mobile Force Company, ang mga sumuko na sina alyas “Toto”, alyas “Alvin”, alyas “Ben”, na pawang mga NPSR listed Yunit Militia member sa ilalim ng FC2, SRC Emporium, alyas “Marilen”, isang NPSR na nakalista sa BOP sa ilalim ng FC 2, SRC EMPORIUM at alyas “Burlok” na isang PSR listed.
Habang si alyas “Jun” ay isang PSR listed Finance and Medical Officer sa ilalim ng FC2, SRC EMPORIUM at isinuko rin nito ang isang shotgun na may dalawang live ammunition.
Ang pagsuko ay bunga ng walang sawang pakikipagnegosasyon at pangkukumbinsi ng mga tauhan ng 1st Northern Samar Provincial Mobile Force Company at sa suporta ng 43rd Infantry Battalion, Philippine Army, Lope de Vega Municipal Police Station at 804th Maneuver Company, Regional Mobile Force Battalion 8.
Ang mga sumuko ay bibigyan ng komprehensibong suporta at tulong bilang bahagi ng Enhanced Comprehensive Local Integration Program o E-CLIP.
Sa mensahe ni PMaj Kiat-ong, “Ang kanilang pagsuko ay isang patunay sa pagiging epektibo ng community-driven initiatives na naglalayong muling isama ang mga dating miyembro ng CTG sa mainstream society”.
“Muli, nananawagan kami sa iba pang miyembro ng CTG na sundan ang desisyon ng kanilang kasama na sumuko at yakapin ang landas ng kapayapaan. Ang pagsuko ay nagbibigay ng pagkakataon para sa rehabilitasyon, tulong, at buhay na walang takot at karahasan,” dagdag pa niya.
