Timbog ang anim na drug suspect sa ikinasang buy-bust operation ng mga operatiba sa Barangay San Vicente, City of Malolos, Bulacan nito lamang Martes, ika-1 ng Abril 2025.
Kinilala ni Police Lieutenant Colonel Rommel E Geneblazo, Chief of Police ng Malolos City Police Station, ang mga suspek na sina alyas “Oden”, 29 anyos; alyas “Gudo”, 31 anyos; alyas Jonjon”, 49 anyos; at tatlo pang suspek na pawang mga residente ng San Vicente, City of Malolos, Bulacan.
Bandang 8:30 ng gabi nang ikasa ang operasyon ng mga tauhan ng Station Drug Enforcement Unit ng Malolos City Police Station.
Narekober sa mga suspek ang 14 na pakete ng hinihalang shabu na may tinatayang timbang na 20.7 gramo na nagkakahalaga ng Php140,760 at iba pang non-drug evidence.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy na pinaiigting ng Pambansang Pulisya ang kampanya laban sa ilegal na droga at iba pang uri ng krimen upang matiyak ang kaligtasan at seguridad ng mamamayan, tungo sa mas ligtas at drug-free na lipunan.
Panulat ni Pat Bulahao
