Cebu – Muling inilunsad ng mga tauhan ng Carmen Municipal Police Station ang 5th Mobile Library at Bible on Wheels sa Pedro Erong Elementary School, Brgy. Cantukong, Carmen, Cebu nito lamang Marso 10, 2023.
Ang nasabing aktibidad ay pinangunahan ni Police Major Eric Gingoyon, Chief of Police ng Carmen MPS, katuwang si Pastor Gerald Ace Cruz, Life Coach.
Tinatayang nasa 120 na mga bata ang naging bahagi ng naturang aktibidad kung saan naaliw ang mga ito sa mga babasahin at maging sa pagkukwento at pagbabahagi ng ebanghelyo na pinangunahan ng mga pulis ng naturang himpilan.
Nagkaroon din ng feeding program at mga palaro na siyang nagpasaya sa mga mag-aaral at nagbigay kaalaman din ang mga kapulisan sa mga magulang ng mga mag-aaral patungkol sa RA 9262 (Violence Against Women and their Children Act of 2004), RA 7610 (Special Protection of Children Against Child Abuse, Exploitation and Discrimination Act), Revised Rule on Children in Conflict with the Law at Counselling, Moral at Spiritual Enhancement naman ang ibinahagi ni Pastor Gerald Ace Cruz.
Layunin ng Mobile Library at Bible on Wheels Project na bisitahin ang 21 barangay ng Munisipyo ng Carmen upang turuan at tulungan ang mga bata na maging hilig ang pagbabasa na siyang magiging tulay sa pag-abot ng kanilang mga pangarap at ibahagi ang salita ng Diyos.
