Ipinadala ang 596 na tauhan mula sa Police Regional Office (PRO) 13 patungong Bangsamoro Autonomous Region in Muslim Mindanao (BARMM) bilang mga miyembro ng Electoral Board para sa nalalapit na 2025 National and Local Elections at BARMM Parliamentary Election sa ginanap na send-off ceremony sa Camp Colonel Rafael C. Rodriguez, Butuan City nito lamang Abril 29, 2025.
Pinangunahan ni Police Brigadier General Christopher N. Abrahano, Regional Director ng PRO13, ang seremonya ng send-off kasama si Atty. Geraldine C. Samson, Assistant Regional Election Director ng COMELEC Caraga.
Ang grupo ay binubuo ng siyam na Police Commissioned Officers at 587 na Police Non-Commissioned Officers na itatalaga sa mga lalawigan ng Basilan, Lanao del Sur, Maguindanao del Norte, Maguindanao del Sur, Tawi-Tawi, at mga Special Geographic Areas.
Dumalo rin sa okasyon ang mga miyembro ng PRO13 Command Group, mga Provincial at City Directors, Regional Staff, at si Rev. Fr. JSupt Aldrin P. Alaan, Regional Chaplain ng BJMP13, na nanguna sa pagbabasbas at panalangin para sa kaligtasan ng mga pulis.
Namahagi naman sina RD Abrahano, Atty. Samson, at Atty. Ma. Farah B. Sollano, Branch Manager ng AFPSLAI Butuan, ng mga health kits para sa mga pulis.
“To our PNP personnel, you will be there to safeguard the very essence of democracy. Be safe and sound until you return home,” ani PBGen Abrahano.
Panulat ni Pat Karen Mallillin
