Tinatayang 55 gramo ng hinihinalang shabu ang nasabat sa isang construction worker matapos magsagawa ng Oplan Sita ang mga tauhan ng Las Piñas City Police Station nito lamang Biyernes, Hulyo 26, 2024.
Ayon kay Southern Police District Director, Police Brigadier General Leon Victor Rosete, nakilala ang suspek na si alyas “Mark”, 33 anyos na construction worker.
Batay sa ulat, nagsagawa ng Oplan Sita ang Tactical Motorcycle Riding Unit (TMRU) ng Las Piñas CPS sa Alido Bridge River Drive, Barangay Zapote, Las Piñas City, nang maispatan ang suspek dahil sa paglabag sa Republic Act 9165 o mas kilala bilang Comprehensive Dangerous Drugs Act of 2002.
Nakuha mula sa suspek ang 17 na piraso ng heat-sealed transparent plastic sachets na naglalaman hinihinalang shabu na tinatayang may timbang na 55 gramo at may street value na Php374,000, dilaw at asul na coin pouch.
Ang puspusan na kampanya kontra ilegal na droga ng Southern Police District ay patuloy na isinagawa para sa ikakaunlad ng komunidad at ikakaganda ng ating bansa.
Source: SPD PIO
Panulat ni PSSg Remelin M Gargantos
