Taguig City — Kusang-loob na sumuko ang 55 na miyembro ng Communist Terrorist Groups (CTGs) sa PNP kasabay ng pagdiriwang ng ika-54 na Anibersaryo ng Communist Party of the Philippines (CPP) ngayong Disyembre 26, 2022 sa Hinirang Hall, Camp Bagong Diwa, Taguig City.
Ang programa ay personal na dinaluhan ni PNP Chief PGen Rodolfo Azurin, Jr bilang panauhing pandangal at ni PMGen Jonnel C Estomo, Regional Director ng NCRPO kasama ang iba pang opisyales.
Ang mga sumuko ay tuluyan ng tinalikuran ang mga makakaliwang organisasyon maging ang ideolohiya ng mga ito laban sa gobyerno, at nanumpa ng katapatan sa Republika ng Pilipinas.
Nakibahagi ang mga dating rebelde sa ceremonial turn-over ng kanilang mga kagamitan tulad ng baril, mga bala at iba pa. Nakiisa din sila sa pagpunit ng bandila ng CTG.
Samantala, nakatanggap naman sila ng cash gift at mga food packs mula sa PNP.
“Napakagandang regalo po ang inyong pagsuko at pagbabalik-loob sa inyong mga mahal sa buhay, kaibigan at pamilya. Makakaasa po kayo na ang PNP ay laging handang sumuporta sa inyong hangarin na talikuran at iwaksi ang komunismo at karahasan upang sama-sama tayong makapagsimula muli ng isang mas maayos, tahimik at mapayapang buhay. Palagi rin pong bukas ang kamay ng ating gobyerno upang tulungang magsimulang muli ang sinuman na nais ng sumuko sa walang saysay na pakikibaka,” wika ni PGen Azurin Jr.
Source: PIO NCRPO
Panulat ni PSSg Remelin M Gargantos
