Iloilo City – Timbog ang isang lalaking itinuturing na Street Level Individual sa ikinasang drug buy-bust operation ng mga operatiba ng Iloilo City Police Station 1 sa Barangay Maria Clara, City Proper, Iloilo City, ika-11 ng Setyembre 2023.
Kinilala ni Police Captain Roque Jimeno III, Hepe ng Iloilo City Police Station 1, ang 53 anyos na suspek na si Gilbert Balasa, may asawa at residente ng Zone 4 Brgy. Calumpang, Molo, Iloilo City.
Ayon kay PCpt Jimeno III, naaresto ang suspek bandang 8:45 ng gabi matapos itong mabilhan ng isang pakete ng suspected shabu kapalit ng halagang Php12,000.
Nakuha pa sa posesyon ni Balasa ang tatlong pakete ng pinaghihinalang shabu, isang pouch, at ibang non-drug items.
Tinatayang Php74,800 ang halaga ng drogang nakumpiska sa suspek.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Hindi tumitigil ang Iloilo City PNP sa kampanya nito kontra sa ilegal na droga upang ito ay tuluyang mapuksa para mapanatili ang kaayusan sa kanilang nasasakupan.
