Cebu City – Tinatayang nasa 500 na piraso ng fruit bearing trees ang matagumpay na naitanim ng mga tauhan ng Cebu City Police Office sa isinagawang Tree Planting Activity na ginanap sa Barangay Sudlon 2, Cebu City noong Sabado, Marso 11, 2023.
Ang aktibidad ay pinangunahan ni Police Lieutenant Colonel Albert Reeves Quilitorio, Chief CCADU, kasama ang FJGSS, mga tauhan ng PS1-PS11, katuwang ang mga opisyal ng barangay, mga miyembro ng Kabataan Kontra Droga at Terorismo, at Advisory Council.
Ayon kay PLtCol Quilitorio, kaugnay ang naturang aktibidad sa pagdiriwang ng National Women’s Month Celebration 2023 na may temang “WE for gender equality and inclusive society” at pagsusulong na mapangalagaan at ng mapanatili ang kagandahan ng kalikasan.
Siniguro naman ng buong hanay ng Cebu City PNP na kanilang ipagpapatuloy ang pagkakaroon ng malasakit sa mga programa na isinusulong ng pamahalaan para sa mabilis at matagumpay na pagkamit ng usaping pangkaayusan, pangkapayapaan, at pangkaunlaran na siyang pangunahing hangarin para sa bayan.
