Bacolod City – Arestado ang limang Street Level Individual sa isinagawang drug buy-bust operation ng Station Drug Enforcement Team (SDET) ng Bacolod City Police Station 8 sa Purok Crossing 8, Barangay Tangub, Bacolod City, noong ika-9 ng Hulyo 2023.
Kinilala ni Police Captain Melvin Mercado, Hepe ng Bacolod City PS8 ang mga naarestong sina Abundio, 31; Rona Mae, 24; at ang tatlong magkakapatid na sina Jude, 27; Jose, 40; at si Jove, 30, pawang mga residente ng nabanggit na siyudad.
Narekober sa mga drug suspek ang siyam na pakete ng pinaghihinalaang shabu na may bigat na 10 gramo at nagkakahalaga ng Php68,000.
Nahaharap ang mga nahuling suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Bacolod City PNP ay hindi tumitigil sa pagpapaigting ng kampanya kontra ilegal na droga at paghuhusayin pa ito sa tulong ng mamamayan upang mawakasan ang pagkalat ng ipinagbabawal na droga sa siyudad.
