Taguig City — Nasakote ang 5 pusher matapos makumpiska ng otoridad ang tinatayang Php170,000 halaga ng umano’y shabu sa Taguig City nito lamang Huwebes, Marso 9, 2023.
Kinilala ni PBGen Kirby John Kraft, District Director ng Southern Police District, ang mga suspek sa pangalang Neil, 43; Amelia, 47; Jayson, 28; Wilmark, 25; at Jofax, 33.
Ayon kay PBGen Kraft, bandang 3:30 ng madaling araw nang maaresto ang mga suspek sa kahabaan ng Labao St. Brgy Napindan, Taguig City ng mga tauhan ng Substation 5, Taguig City sa pamamagitan ng Oplan Galugad na nagresulta sa kanilang pagkakaaresto.
Nakumpiska ang pitong heat-sealed transparent plastic sachet na naglalaman ng hinihinalang shabu na humigit kumulang 25 gramo ang timbang at may Standard Drug Price na Php170,000.
Mahaharap ang mga suspek sa kasong paglabag sa Sec. 5 at 11, Art. II ng RA 9165 o ang Comprehensive Dangerous Drugs Act of 2002.
Patuloy na paiigtigin ng Southern Police District ang kampanya kontra ilegal na droga upang matugis at mapanagot ang mga indibidwal na lumalabag sa batas para sa isang tahimik at mapayapang komunidad.
Source: SPD PIO
Panulat ni PSSg Remelin M Gargantos
