Nueva Ecija – Naaresto ng mga kapulisan ang limang Most Wanted Person sa Nueva Ecija sa magkahiwalay na Manhunt Charlie operation noong Martes, Marso 8, 2022.
Kinilala ni Police Colonel Jess Mendez, Acting Provincial Director ng Nueva Ecija Police Provincial Office ang dalawang naaresto ng mga tauhan ng Talavera Police Station na sina Marvin Dela Cruz y Rayos, 30, residente ng Barangay Calipahan, Talavera, Nueva Ecija at Brenn Damacio y Cabahel, 29, residente ng Barangay Burnay, Talavera, Nueva Ecija.
Ayon kay PCol Mendez, naaresto ang dalawang suspek sa bisa ng Warrant of Arrest sa kasong paglabag sa Sections 5 and 11, Article II of RA 9165 na walang nirekomendang piyansa.
Samantala, kinilala din ni PCol Mendez ang dalawang naaresto ng mga tauhan ng San Jose City Police Station na sina Alvin Santos y Agustin, 32 at Benjie Santos y Agustin, 38, parehong residente ng Barangay Sto. Niño 2nd, San Jose City, Nueva Ecija.
Ayon pa kay PCol Mendez, naaresto ang dalawang suspek sa bisa ng Warrant of Arrest sa kasong Rape kaugnay ng RA 7610 at walang nirekomendang piyansa.
Gayundin, naaresto naman ng mga tauhan ng Cabanatuan City Police Station ang suspek na si Jericho Robediso y Corteñas, alyas Kokoy, 30, residente ng Barangay Aduas Sur, Cabanatuan City, Nueva Ecija.
Naaresto si Kokoy sa bisa ng Warrant of Arrest dahil sa kasong Attempted Rape na may Criminal Case #33763-AF at may piyansang PHP120,000.
Pinuri ni PCol Mendez ang mga kapulisan ng Nueva Ecija sa kanilang matagumpay na operasyon.
Hinikayat din nya ang mga mamamayan na makipagtulungan sa kapulisan sa pag-aresto sa mga most wanted person sa lalawigan para sa tahimik at maayos na pamayanan.
###
