Agusan del Sur – Narekober ng pulisya at militar ang limang Improvised Explosive Devise (IED) sa Brgy. Villa Undayon, Bayugan City, Agusan del Sur nito lamang Lunes, Oktubre 24, 2022.
Ayon kay Police Colonel Jovito Canlapan, Acting Provincial Director, Agusan del Sur Police Provincial Office, bandang 12:15 ng tanghali ng marekober ang mga pampasabog habang nagsagawa ng Counter Insurgency Operation ang mga tauhan ng 1st Agusan del Sur-Provincial Mobile Force Company, Special Action Force at Philippine Army.
Narekober ang limang pirasong anti-personnel mines at detonating cord na isa sa mga signature weapon ng CPP-NPA na kumitil ng maraming buhay ng miyembro ng pulisya, militar at mga inosenteng sibilyan.
Patuloy naman ang pagpapatrolya ng PNP katuwang ang Philippine Army sa mga kabundukan upang mapangalagaan ang kaligtasan ng mamamayan.
Panulat ni Patrolman Jhunel Cadapan/RPCADU 13
