General Santos City – Arestado ang limang High Value Individuals (HVIs) sa isinagawang buy-bust operation ng PNP at PDEA sa Ayano St., Blk. 4, Prk. 5, Brgy. Conel, General Santos City noong ika-20 ng Hulyo, 2022.
Kinilala ni Police Brigadier General Alexander Tagum, Regional Director ng Police Regional Office 12 ang mga suspek na sina Alnora Guidalquiver Abapo alyas “Alona” at 4 na iba pang HVIs kabilang ang nagngangalang John Mark Zamora Abapo at tatlong menor de edad.
Ayon kay PBGen Tagum, isinagawa ang naturang operasyon ng pinagsanib puwersa ng CPDEU, CIU, Police Station 4, GSCPO at PDEA 12 Sarangani Provincial Office.
Ayon pa kay PBGen Tagum, narekober sa mga drug suspek ang dalawang plastic sachet na naglalaman ng hinihinalang shabu, isang plastic sachet na naglalaman ng mga buto at marijuana leaves, isang pirasong Php500 bill at iba pang drug paraphernalia.
Dagdag pa ni PBGen Tagum, nahaharap sa kasong paglabag sa Section 5, 6, 7, 11 at 12 Article II ng RA 9165 o “Comprehensive Dangerous Drugs Act of 2002” ang mga nahuling suspek.
Binigyang papuri naman ni PBGen Tagum ang mga operatiba sa mga matagumpay na operasyon at mas pinaigting na kampanya kontra ilegal na droga.
Source: Police Regional Office 12 – Public Information Office
###
Panulat ni Patrolman Khnerwin Jay A Medelin
