Pormal na itinalaga ni PNP Chief, Police General Guillermo Lorenzo T. Eleazar ang limang (5) heneral sa mataas na mga katungkulan PNP noong Setyembre 15, 2021.
Sa ginanap na joint turn-over of office ceremony sa Kampo Crame, itinalaga ni PNP Chief si Police Major General Rhodel O. Sermonia bilang PNP Director for Operations na papalit kay Police Major General Alfred S. Corpus na nagretiro din sa kaparehong araw.
Si Police Major General Bartolome R. Bustamante, dating PNP Director for Human Resource and Doctrine Development (DHRDD) ay itinalaga bilang The Director for Police Community Relations (DPCR), ang posisyon na iniwan ni PMGen Sermonia.
Samantala, papalitan naman ni Police Brigadier General Arthur V. Bisna si PMGen Bustamante bilang The Director for Human Resource and Doctrine Development (TDHRDD).
Gayundin, itinalaga sa mga bagong posisyon sina Police Brigadier General Harold B. Tuzon, Director ng PNP Headquarters Support Service, at Police Colonel Joaquin R. Alva, Acting Secretary ng PNP Directorial Staff.
Ang paggalaw sa mga naturang posisyon ay dahil sa pagreretiro ng apat (4) na miyembro ng PNP Directorial Staff.
“Today’s turn-over of office ceremony signifies both opportunity and a challenge. Change in leadership marks a new beginning and opportunity to adapt new innovations and approaches in order to create more effective ideas and doable strategies which are necessary for the improvement of our deliverable services to the public,” pahayag ni PGen Eleazar.
Inaasahan ng hepe na itutuloy ng limang (5) heneral ang mga magaganda at epektibong sistema at programa sa ilalim ng kanilang pamunuan at mas lalo pang pagbutihin ang gagawing proyekto at inisyatibo para sa kapakanan at seguridad ng komunidad na siyang pangunahing layunin ng Intensified Cleanliness Policy (ICP).
