Pinuri ni PMGen Vicente D Danao Jr ang mga miyembro ng Station Drug Enforcement Unit ng PS2- Masambong Police Station, Quezon City Police District sa pagkakaaresto sa tatlong (3) drug personalities bandang 12:40 ng umaga noong Nobyembre 10, 2021 sa Silangan Riverside St., Brgy., Paltok, Quezon City.
Sa ulat na isinumite ni PBGen Antonio C Yarra, District Director, nagsagawa ng busy-bust operation ang mga operatiba ng SDEU-PS2 sa pangunguna ni PMaj Rey B Morcillo na nagresulta sa pagkakaaresto sa tatlong (3) suspek at pagkakakumpiska ng mga ebidensyang hawak nila.
Ang mga narekober na ebidensiya ay shabu na may kabuuang timbang na humigit-kumulang 120 gramo na may halagang Php816,000.
Samantala, isa pang buy-bust operation naman ang naikasa ng Holy Spirit Police Station sa pakikipag-ugnayan sa Philippine Drug Enforcement Agency-Quezon City na humantong sa pagkakaaresto sa dalawang (2) drug personalities sa kahabaan ng Isidora Brgy Holy Spirit Quezon City bandang alas-10:30 ng gabi ng Nobyembre 9, 2021 sa harap ng No. 27 East Riverside St., Brgy. Paltok, Quezon City.
#####
Panulat ni: Patrolman Nica V Segaya
