Arestado ang limang drug peddlers sa isinagawang buy-bust operation ng Makati City Police Station Drug Enforcement Unit at nasamsam ang tinatayang higit sa Php115,000 halaga ng shabu nito lamang Huwebes, Hunyo 27, 2024.
Kinilala ni Police Brigadier General Leon Victor Z Rosete, District Director ng Southern Police District, ang mga suspek na sina alyas Michael, 35 anyos; alyas Rod, 49 anyos; alyas John, 33 anyos; alyas Oneng, 33 anyos at alyas Sam, 38 anyos.
Naganap ang operasyon bandang 6:34 ng gabi sa Barangay Tejeros, Makati City na humantong sa pagkakasamsam ng 17 gramo ng hinihinalang shabu na may tinatayang street value na Php115,600; isang Oppo cellphone, isang coin purse, at buy-bust money na nagkakahalaga ng Php500.
Sasampahan naman ng Makati Pulis ang limang suspek ng kasong paglabag sa Republic Act 9165 o Comprehensive Dangerous Drugs Act of 2002.
Sinisigurado ng SPD na hindi titigil sa pagsasagawa ng mga operasyon laban sa ilegal na droga upang makamit ang tahimik at ligtas na pamayanan tungo sa Bagong Pilipinas.
Source: SPD PIO
Panulat ni PSSg Remelin M Gargantos
