Sabangan, Mountain Province – Natapos ng Sabangan PNP responders ang limang araw na Swift Water Search and Rescue (WASAR) Training sa Sabangan, Mountain Province nito lamang Biyernes, Hunyo 17, 2022.
Ang nasabing pagsasanay ay pinasimulan ng Sabangan Municipal Disaster Risk Reduction and Management Office (MDRRMO) sa ilalim ng LGU-Sabangan sa pamumuno ng Municipal Mayor Marcial C. Lawilao Jr.
Kabilang din sa mga dumalo sa nasabing pagsasanay ang mga tauhan ng Bureau of Fire Protection-Sabangan, Emergency Response Team, Barangay Officials, Sabangan Tour Guides at mga volunteers.
Sa unang araw, tinalakay at nagbigay kaalaman ang mga tauhan ng Provincial DRRMO sa mga usaping Principles of Search and Rescue, Rules of flood/swift water rescue, hazards, and water rescue techniques.
Samantala, sa pangalawang araw hanggang ikaapat na araw ay naisagawa ang aktuwal na demonstrasyon tungkol Swift Water Rescue Operations, Maneuvering on Strong Currents at Risky Rapids sa tulong ng mga senyales ng kamay mula sa downstream at upstream spotters gayundin ang mga diskarte kung paano makatakas sa mga debris kung sakaling maipit.
Sa pagtatapos ng limang araw na pagsasanay ay naisagawa ang Rescue Scenario sa kanilang simulation evaluation kung saan ito ang highlight ng kanilang pagsasanay at dito rin nila isinasabuhay ang lahat ng kanilang mga natutunan.
Ang pagsasanay na ito ay isa lamang sa mga programang ipinapatupad ng ating pamahaalaan upang mapaghandaan ang anumang sakuna na maaaring dumating.
###
