Nagsagawa ang Police Regional Office 10 ng 5-Day Seminar on Disaster Preparedness, Search, Rescue at Retrieval Operations sa RSTU 10, Damilag, Manolo Fortich, Bukidnon na sinimulan nito lamang ika-4 ng Hunyo 2024.
Naging pangunahing tagapagsalita sa naturang pagbubukas ng pagsasanay si PCol Martin M Gamba, Chief of the Regional Staff.
Binigyang-diin niya sa kanyang mensahe ang kahalagahan ng seminar na ito sa pagpapahusay ng mga kakayahan sa pagtugon sa mga emerhensiya.
Ayon kay PCol Gamba, sa panahon ng krisis, natural na kalamidad man o gawa ng tao na emerhensiya, napagtanto niya na hindi mapipigilan ang mga ganitong pangyayari.
Gayunpaman, maaari tayong magsimula ng mga aktibidad upang mapagaan ang epekto at maiwasan o mabawasan ang pagkawala ng mga buhay at ari-arian.
“Ang seminar na ito ay isang malinaw na pagpapakita ng aming matatag na pangako upang matiyak na ang bawat tauhan mula sa mas mababang mga yunit ay magabayan sa pagbibigay ng maayos at napapanahong pagtugon sa panahon at pagkatapos ng paglitaw ng mga natural na kalamidad,” dagdag niya.
Ang naturang seminar ay isang collaborative effort kasama ang Regional Maritime Unit 10, na naglalayong pahusayin ang life-saving skills, preparedness, at proficiency ng mga kalahok sa panahon ng natural at man-made na kalamidad. Samantala, may kabuuang 50 pulis mula sa iba’t ibang tanggapan ng pulisya sa buong rehiyon ang kalahok sa nasabing aktibidad.
Sa loob ng limang araw, sasabak ang mga kalahok sa isang serye ng mga sesyon ng pagsasanay na idinisenyo upang bigyan sila ng mga advanced na diskarte at kaalaman na mahalaga para sa epektibong pagtugon sa kalamidad.
Panulat ni Rizza Sajonia
