South Cotabato – Tuluyan nang nagbalik-loob sa gobyerno ang limang miyembro ng Communist Terrorist Groups (CTGs) sa South Cotabato PNP sa 1205th Maneuver Company, RMFB 12, Purok 6, Brgy. Maltana, Tampakan, South Cotabato nito lamang Sabado, Marso 25, 2023.
Ayon kay Police Brigadier General Jimili Macaraeg, Regional Director ng Police Regional Office 12, tatlo sa sumuko ay aktibong New People’s Army (NPA) mula sa Guerilla Front (GF) 72, Far South Mindanao Region (FSMR); isang miyembro ng GF 73, FSMR; at isang miyembro naman mula sa GF 75 FSMR.
Kasabay ng pagsuko ng limang Former Rebels (FR) ay ang pagturn-over ng isang unit ng Hand Grenade, Cal. 30 carbine, Cal.38 pistol, magazine at mga bala.
Ang matagumpay na pagsuko ay resulta ng patuloy na pagsisikap ng South Cotabato Police Provincial Office; 1205th Maneuver Company; Tampakan Municipal Police Station; Regional Intelligence Division 12, 1st South Cotabato Provincial Mobile Force Company at sa pakikipagtulungan ng mga lokal na pamahalaan at opisyales ng barangay.
Patuloy pa ring hinihikayat ni PBGen Macaraeg ang mga natitira pang tagasuporta at miyembro ng CTGs na sumuko na para magkaroon ng maayos na buhay sa piling ng kanilang pamilya.
Panulat ni Patrolman Khnerwin Jay Medelin/RPCADU12
