Southern Police District — Arestado ang limang suspek sa dalawang magkasunod na buy-bust operation sa Muntinlupa at Taguig City nito lamang Martes, Mayo 10, 2022.
Ayon kay Police Brigadier General Jimili Macaraeg, District Director ng Southern Police District, dakong 10:15 ng gabi, nahuli ang dalawang suspek sa San Guillermo St., Brgy. Bayanan, Muntinlupa City ng mga operatiba ng Station Drug Enforcement Unit (SDEU) ng Muntinlupa City Police Station.
Kinilala ni PBGen Macaraeg ang mga suspek na sina Nikka Carmona y Dagaas, 31, at Irene Larra Villanueva y Bataller alyas “Leng”, 31, pawang mga residente ng Muntinlupa City.
Nakuha sa mga suspek ang apat na heat-sealed transparent plastic sachet na naglalaman ng hinihinalang shabu na may kabuuang timbang na higit kumulang 10 gramo na may Dangerous Drugs Board value na aabot sa Php68,000 at isang genuine Php500 na ginamit bilang buy-bust money.
Samantala, sa Taguig City naman, timbog ang tatlong suspek bandang 10:30 ng gabi sa isinagawang Oplan Galugad ng Sub-Station 8, Taguig CPS sa kahabaan ng Block 1 Purok 13, Barangay South Daang Hari.
Dito ay kinilala ang mga suspek na sina Rene Gutierez y Bagtas, 36 ; Sherely Santos y Montanez, 42; at Ramil Guira y Altar, 28, pawang mga residente ng Taguig City.
Narekober mula sa mga suspek ang tatlong heat-sealed transparent plastic sachet na naglalaman ng hinihinalang shabu na humigit-kumulang 3.07 gramo ang bigat na tinatayang nagkakahalaga ng Php20,876.
Mahaharap ang lima sa kasong paglabag sa RA 9165 o Comprehensive Dangerous Drugs Act of 2002.
“Yes, we are still securing the counting of election returns but I believe that we should not stop in our campaign against illegal drugs, ang ating mga pulis ay patuloy pa rin na nagbabantay sa kalakalan ng ilegal na droga sa ating nasasakupan kasabay ng pagbabantay ng bilang. Gusto kong batiin ang ating mga pulis on the ground sa masipag na paglilingkod at tuloy-tuloy na pagbibigay ng serbisyo publiko,” ani PBGen Macaraeg.
Source: SPD PIO
###
Panulat ni PSSg Remelin Gargantos
