Arestado ng mga operatiba ng Butuan City Police Station 4 ang limang suspek sa illegal posession of explosives sa bulubunduking lugar ng Purok 3, Barangay Don Francisco, Butuan City, Agusan del Norte bandang 12:00 ng tanghali nito lamang Biyernes, Agosto 9, 2024.
Kinilala ang naaresto na sina alyas “Jod”, 26, at alyas “Jon”, 53, na pawang residente ng P-1, Barangay Bilay, Butuan City; alyas “Las”, 47, residente ng P-12, Barangay Magkayangkang, Butuan City; alyas “Del”, 49, residente ng P2 Barangay Villa Undayon, Bayugan City at alyas “Mar”, 53 anyos, at residente ng P-7, Barangay Bilay, Butuan City.
Batay sa ulat, isang concerned citizen ang nagbigay ng impormasyon na may nangyayaring ilegal na aktibidad sa pagmimina sa Purok 3, Barangay Don Francisco. Agad naman nagtungo sa nasabing lugar ang mga tauhan ng Butuan City Police Station 4, City Environment and Natural Resources, at Butuan City Mobile Force Company.
Matapos mabigong magpakita ng permit, nahuli ang limang suspek na may hawak na mga pampasabog habang nagsasagawa ng ilegal na aktibidad sa pagmimina.
Narekober ang 1.6 kilogram ng Ammonium Nitrate; fuel oil; anim na piraso ng non-electric blasting cap; 11.6ft time fuse; isang improvised wooden flushing box at isang wooden pan; isang black basin; isang screen na may buhangin; 100 metro ng electrical wire na may socket; isang asul na lalagyan; tatlong asul na hose na may tinatayang haba na 30 metro bawat isa; at isang pala.
Samantala, mahaharap ang mga naaresto sa kasong paglabag sa Republic Act No. 9516, amending the provision of Presidential Decree No. 1866 o “Codifying the laws on illegal/unlawful possession, manufacture, dealing in, acquisition or disposition of firearms, ammunition or explosives.”
“We attribute the success of this operation to the support of the community who directly coordinated with the local police. May this inspire others to take part in our neighborhood watch to preempt such abusive activity that may cause untoward incidents in the future,” ani Police Brigadier General Alan M Nazarro, Regional Director ng Police Region Office 13.
Panulat ni Patrolwoman Karen Mallillin
