Carmen, Cebu – Nagsagawa ng 4th Mobile Library and Bible on wheels ang mga tauhan ng Carmen Municipal Police Station sa Hagnaya Elementary School, Brgy. Hagnaya, Carmen noong Huwebes, Mayo 26, 2022.
Ang nasabing programa ay pinangunahan ni Police Major Eric Gingoyon, Chief of Police ng Carmen MPS, katuwang ang mga miyembro ng Municipal Advisory Council on Religious Sector, Carmen MPS Life Coach, at mga Practicumers mula Colegio de San Antonio de Padua.
Ayon kay Police Major Gingoyon, ang mahigit 100 na mga mag-aaral na naroon ay lubos ang tuwa at naaliw sa mga babasahin maging sa pagkukwento at pagbabahagi ng ebanghelyo na pinangunahan ng mga pulis ng naturang estasyon.
Ayon pa kay Police Major Gingoyon, sa naturang programa ay nagsagawa rin ng feeding program at mga palaro na siyang nagpasaya sa mga mag-aaral.
Layunin ng Mobile Library at Bible on Wheels project na bisitahin ang lahat ng 21 barangay ng Munisipyo ng Carmen para turuan at tulungan ang mga bata at ipangaral ang salita ng Diyos.
Nagpapasalamat naman ang Carmen Police Station sa mga guro ng Hagnaya Elementary School sa kanilang partisipasyon.
###
