Sinibak sa kanilang pwesto ang 49 na kapulisan ng Bamban Tarlac MPS kaugnay sa imbestigasyon sa isang Philippine Offshore Gaming Operator (POGO) sa Bayan ng Tarlac, nito lamang Lunes, ika-3 ng Hunyo 2024.
Pinangunahan ni PBGen Jose S Hidalgo Jr ang isinagawang turnover ng mga bagong tauhan ng pulisya noong lunes, na kung saan sinibak ang nasabing mga tauhan ng Bamban Tarlac MPS.
Ang mga tinanggal na pulis ay inilipat sa Regional Police Holding and Accounting Unit (RPHAO) at sasailalim sa isang retraining program.
Ayon kay PCol Jean Fajardo, Chief PNP PIO, ang kanilang mga kapalit ay mula sa mga kalapit na himpilan ng kapulisan ng Tarlac.
Tanging ang hepe ng pulisya ng Bamban ang nanatili sa kanyang pwesto dahil kakapasok lamang nito pagkatapos ng POGO raid.
Panulat ni Nikki Lyra Cinderella P Barbero
