Nailigtas ang 47 indibidwal ng mga tauhan ng Regional Maritime Unit 9 matapos lumubog ang isang pampasaherong bangka sa Sta. Cruz Island, Zamboanga City nito lamang Marso 2, 2024.
Ayon kay Police Major Aiman J Kamlon ng Regional Maritime Unit 9, bandang alas 6:40 ng gabi ng nasabing petsa nang nakatanggap sila ng tawag mula sa isang pasahero ng M/V Mardia na humihingi ng saklolo matapos tumaob ang sinasakyan nilang bangka.
Agad naman na rumesponde ang naturang mga kapulisan kasama ang mga tauhan ng Regional Maritime BAR, Zamboanga City Maritime Police Station, 2nd Zamboanga City Mobile Force Company- Seaborne Company at mga residente kung saan matagumpay na nailigtas ang 47 na pasahero at patuloy pa rin ang operasyon sa paghahanap sa isang menor de edad na anim na buwang gulang.
Isang patunay na anuman ang sitwasyon, ang mga kapulisan ay laging handang tumugon sa mga mamamayan na nangangailangan ng tulong ng walang pinipiling oras, panahon at pagkakataon masiguro lamang ang kaligtasan ng kanilang nasasakupan.
Panulat ni Patrolwoman Melanie P Mapa
