Kabuuang 46 na mga indibidwal ang arestado ng Criminal Investigation and Detection Group (CIDG) sa mas pinaigting nilang manhunt operations sa buong bansa noong ika-19 ng Mayo 2025.
Ibinahagi ng kanilang Direktor na si Police Major General Nicolas D Torre III na umabot sa 35 ang naaresto sa kanilang OPLAN PAGTUGIS sa bisa ng Warrants of Arrest for Frustrated Murder, Homicide, Frustrated Homicide, Grave Threats, Rape, Acts of Lasciviousness, Qualified Theft, Estafa at iba pa.
Sa kanilang OPLAN PAGLALANSAG OMEGA, naaresto ng CIDG Tarlac, Santiago at Lapu-Lapu Field Units ang apat na indibidwal dahil sa umano’y illegal possession at pagbebenta ng tatlong loose firearms (dalawang caliber 45 at isang 9mm) sa Tarlac, Isabela at Lapu-Lapu Cebu.
Sa ilalim ng OPLAN BOLILYO naman, inaresto sa operasyon ng CIDG Cagayan de Oro, Davao del Sur, Surigao del Sur at Northern Samar Field Units ang pitong indibidwal dahil sa umano’y ilegal na sugal.
Pinuri ni PMGen Torre III ang lahat ng CIDG Provincial at City Field Units sa kanilang dedikasyon at walang humpay na pagsisikap upang sugpuin ang lahat ng uri ng kriminalidad sa bansa. Makatitiyak ang mga biktima at kanilang mga pamilya na makakamit nila ang hustisyang nararapat sa kanila.
Ang buong PNP ay patuloy sa pagpapatupad ng mga batas at pagsulong sa mga operasyon kontra kriminalidad sa buong bansa.
