Talisay, Camarines Norte – Arestado ang isang 43 anyos na lalaki sa kasong Rape ng Camarines Norte PNP sa Purok 1, Barangay Calintaan, Talisay, Camarines Norte nitong lamang ika-28 ng Setyembre 2022.
Kinilala ni Police Colonel Antonio C Bilon Jr, Acting Provincial Director, Camarines Norte Police Provincial Office, ang suspek na si alyas “Gil”, 43, may asawa, isang hollow block maker at residente ng Barangay Del Rosario, Mercedes, Camarines Norte.
Ayon kay PCol Bilon Jr, inaresto ang akusado sa bisa ng Warrant of Arrest ng pinagsanib na tauhan ng Talisay MPS, CIDT-CNPFU at Camarines Norte 1st PMFC at 2nd PMFC para sa kasong Rape in Relation to RA 7610 na walang rekomendadong piyansa.
Ang Pambansang Pulisya ay patuloy lamang sa pagtugis sa mga taong may pananagutan sa batas upang mabigyan ng hustisya ang kanilang mga naging biktima.
Source: Camarines Norte PPO
Panulat ni Patrolman Jomar Danao
