Calatrava, Negros Occidental – Tagumpay na nagtapos sa Community-Based Drug Rehabilitation Program (CBDRP) after care ang 41 drug reformist sa bayan ng Calatrava, Negros Occidental nitong Huwebes, Mayo 26, 2022.
Ayon kay Police Major Lumyaen Lidawan, Hepe ng Calatrava Municipal Police Station, ang naturang programa ay inisyatibo ng pamahalaan upang matulungan ang mga naging biktima ng ipinagbabawal na droga na magbagong buhay alinsunod sa mga layunin ng Executive Order Number 70 (NTF-ELCAC) sa tulong ng Local Government Units (LGUs) at iba pang mga ahensya ng pamahalaan.
Ang naturang aktibidad ay naging matagumpay sa pakikipagtulungan ng Calatrava MPS kasama si Mr. Christopher Lorenzo, CBDRP organizer katuwang ang Faith sector, DSWD, DepEd, DOH, at ng Parole and Probation sa pamumuno ni Mrs. Karen Guanzon na mainit namang sinuportahan ng Calatrava Local Government Unit sa pamumuno ni Mayor Marily A. Era.
Samantala, kasabay namang isinagawa ang opening ceremony sa ika-anim na batch ng CBDRP sa naturang bayan na tinatayang sasailalim din sa parehong proseso hanggang sa makapagtapos tulad ng mga naunang batch.
Ang buong himpilan ng PNP ay kaisa sa buong komunidad sa paghahanap ng mga solusyon at alternatibo upang matulungan ang lahat ng ating mga kababayang nais magbagong buhay at magsimulang muli.
###
