Kulungan ang bagsak ng isang 41-anyos na lalaki matapos lumabag sa ipinatutupad na COMELEC gun ban sa isang Restobar sa kahabaan ng Daang Maharlika, Barangay Poblacion, Kidapawan City, Cotabato noong ika-3 ng Pebrero 2025.
Kinilala ni Police Lieutenant Colonel Dominador L Palgan Jr., Hepe ng Kidapawan City Police Station, ang suspek na si alyas “Mario”, residente ng Barangay Indangan, Makilala, Cotabato.
Bandang 10:00 ng gabi habang nagsagawa ng Oplan Kapkap Bakal ang mga awtoridad sa naturang lugar ay agad hinuli si alyas “Mario” dahil sa dala nitong isang yunit ng Cal. 45 pistol na may kasamang dalawang magasin at walong bala.
Kasong paglabag sa Republic Act 10591 o “Comprehensive Firearms and Ammunition Regulation Act” kaugnay sa Comelec Gun Ban ang kakaharaping reklamo ng suspek.
Patuloy na nanawagan ang PNP sa publiko na ganap na makipagtulungan sa ipinatutupad na election gun ban at iwasang magdala ng mga baril at anumang nakamamatay na armas dahil ang pulisya ay mananatiling nakatuon sa pagtiyak ng panuntunan ng batas para sa mas maayos at ligtas na Election 2025
