Ipinadala ng Police Regional Office 10 ang 400 PNP personnel na magsisilbing Special Electoral Board Members para sa nalalapit na National and Local Elections sa Bangsamoro Autonomous Region in Muslim Mindanao (BARMM) nito lamang ika-30 ng Abril 2025 sa Camp 1Lt Vicente G Alagar, Lapasan, Cagayan de Oro City.
Ang nasabing hakbang ay bahagi ng mas malawak na inisyatiba upang matiyak ang maayos, mapayapa, at ligtas na halalan sa rehiyon.
Ang mga itinalagang pulis ay sumailalim sa masusing paghahanda at pagsasanay upang maisakatuparan ang kanilang tungkulin sa makatarungan at patas na halalan.
Ang PRO 10 ay patuloy na katuwang ng Commission on Elections (COMELEC) sa pagpapatupad ng mga hakbangin para sa Secure, Accurate, Free, and Fair Elections (SAFE), lalo na sa mga lugar na nangangailangan ng espesyal na atensyon sa seguridad.
