Cagayan – Nagtanim ng 400 mahogany seedlings ang mga miyembro ng Cagayan Police Provincial Office sa Pinacanauan Riverside, Centro 1, Tuguegarao City, Cagayan ngayong umaga ng Hulyo 11, 2023.
Pinangunahan ni Police Colonel Julio Gorospe Jr., Provincial Director ng Cagayan Police Provincial Office (PPO), ang pagtatanim sa tabi ng ilog na madalas nababaha tuwing dumarating ang malakas na ulan.
Pinasalamatan ni PCol Gorospe Jr ang Provincial Environment and Natural Resources Office (PENRO) Cagayan sa suporta sa programa ng kapulisan.
Ayon naman kay Engr. Enrique Pascion, Forester, PENRO Cagayan, “Tayo ay laging magtanim dahil ikaw, ako, tayo ang kalikasan.”
Ang aktibidad na alinsunod sa PNP Core Values na Makakalikasan at kaagapay ng pamayanan ang Pambansang Pulisya sa pagresolba sa suliranin ng climate change at pagpapanumbalik sa kalikasan.
Source: Cagayan PPO
Panulat ni Police Corporal Carla Mae P Canapi
