Cagayan – Nabiyayaan ang 40 na pamilyang Agta sa isinagawang Community Outreach Program ng Cagayan Police Provincial Office sa Barangay Agugaddan, Peñablanca, Cagayan noong Disyembre 3, 2022.
Pinangunahan ng Provincial Community Affairs and Development Unit ng Cagayan PPO sa pamumuno ni Police Major Osmundo Mamanao, Acting Chief, ang pagsasagawa ng feeding program at pamamahagi ng mga food packs sa mga benepisyaryo na labis nilang ikinatuwa.
Naging matagumpay ang aktibidad dahil sa tulong ng PNP Drug Enforcement Unit 2; Regional Communication and Electronics Unit 2; Peñablanca Police Station; My Brother’s Keeper- Life Coaches; Bayanihan ni Juan Project at Barangay-Based Group.
Ang aktibidad ay alinsunod sa Revitalized PNP KASIMBAYANAN na naglalayong ipadama ng Kapulisan, Simbahan at Pamayanan ang malasakit sa kapwa tungo sa kaayusan at kapayapaan ng Lipunan.
Magpapatuloy ang mga kaparehong aktibidad ng Pambansang Pulisya upang mas lalong mapatibay ang ugnayan ng kapulisan at mamamayan.
Source: Peñablanca PS
Panulat ni Police Corporal Carla Mae P Canapi
