Makati City — Kalaboso ang apat na drug suspek matapos mahulihan ng Php408,000 halaga ng shabu sa isinagawang buy-bust operation ng Makati City Police Station nito lamang Miyerkules, ika-10 ng Mayo 2023.
Kinilala ni Police Brigadier General Kirby John Kraft, District Director ng Southern Police District, ang mga suspek na sina alyas “Ato”, 32; alyas “Sev”, 48; alyas “Ed”, 39, at alyas “Jef”, 30 taong gulang.
Ayon kay PBGen Kraft, isang miyembro ng operating unit ang umaktong poseur buyer at bumili ng isang maliit na heat-sealed transparent plastic sachet na naglalaman ng subject of sale sa halagang Php9,000.
Naaresto ang mga suspek bandang 11:30 ng gabi sa may Barangay Guadalupe Nuevo, Makati City ng mga tauhan ng Station Drug Enforcement Unit ng Makati CPS at nakuha mula sa kanilang possession ang 60 gramo ng hinihinalang shabu, at may halaga ng Standard Drug Price na Php408,000.
Mahaharap ang mga suspek sa kasong paglabag sa Sections 5 at 11, Art. II ng RA 9165 o Comprehensive Dangerous Drugs Act of 2002.
Tiniyak ni DD, SPD na ang mga kapulisan ng Southern Metro ay lalong paiigtingin ang kampanya kontra ilegal na droga upang hindi makapang biktima ng mga inosenteng indibidwal.
Source: SPD PIO
Panulat ni PSSg Remelin M Gargantos
