Na-rescue ng mga awtoridad ang apat na Russian Nationals mula sa tumagilid na barko sa San Miguel Island, Barangay Umus Mataha, Mapun, Tawi-Tawi nito lamang ika-9 ng Hulyo 2024.
Kinilala ni Police Colonel Rodolfo Atienza Inoy Jr., Provincial Director ng Tawi-Tawi Police Provincial Office, ang mga narescue na sina alyas “Alex”, 60 anyos; alyas “Lora”, 35 anyos; alyas “Maria”, 35 anyos; at si alyas “Alex”, 45 anyos, pawang mga residente ng Moscow, Region Pavlovskiy Posad.
Ayon kay PCol Atienza, bandang 5:30 ng hapon nang makatanggap ng impormasyon galing sa isang radio unit base sa Bangkawan Island ang Mapun Municipal Police Station tungkol sa isang barkong tumagilid at nangangailangan ng agarang tulong kung saan sakay ng naturang barko ang apat na Russian Nationals galing Bali, Indonesia at patungo sana ng Subic, Zambales.
Agad naman tinungo ng Mapun PNP, Coast Guard Station Northern Tawi-Tawi, at Mapun Maritime Special Boat Crew 1st Maritime Special Operations Unit ang naturang lugar at agad tinulungan ang mga banyaga.
Nasa ligtas at maayos na kalagayan ang mga naturang Russian Nationals at nasa pangangalaga na ng Local Government Unit ng Mapun.
Patunay lamang na ang PNP ay maaasahan sa oras ng kagipitan, mapa-Pilipino man o ibang lahi ay kaligtasan at kaayusan ang sinisiguro upang maghatid ng serbisyo publiko.
Panulat ni Patrolwoman Veronica Laggui
