Zamboanga City – Narekober ang apat na mga nirentahang sasakyan sa isang car rental owner mula Bacolod City nito lamang Hunyo 16, 2022 sa Zamboanga City.
Kinilala ni Police Lieutenant Francisco Sales, Team Leader, Motor Vehicle and Motorcycle Team, Regional Highway Patrol Unit 9, ang mga suspek na mga Vietnamese National na sina Minh Toan Ho, possessor ng Ford Ranger 2907 na nakarehistro kay Neil Robert P Octoso, residente ng Talisay City, Negros Occidental; Dinh Van Ma, possessor ng Nissan Terra na may plate number na FAE 8160 na nakarehistro kay Melvin D Mana, residente ng Bacolod City; Thanh Dat Nguyen, possessor ng Isuzu Dmax na may plate number na Cs# D2A163 at nakarehistro kay Mark Q Marquino, residente ng Bacolod City; at Dinh Son Tran, possessor ng Toyota Innova na may plate number P4D673 na nakarehsitro naman kay Noeco C Marquino, parehong residente ng Bacolod City.
Ayon pa kay PLt Sales, narekober nila ang apat na sasakyan matapos makatanggap ng tawag mula sa isang car rental owner sa Bacolod City, matapos lumabag ang mga suspek sa kasunduan na magbiyahe sa loob lamang ng Negros Occidental at umabot sa Zamboanga City Port Area.
Agad namang rumesponde ang pulisya at pinatigil ang apat na sasakyan.
Ang PNP ay hindi pinapalagpas ang anumang uri ng ilegal na mga gawain at parehong aktibidad upang matiyak ang kaligtasan ng bawat isa at mapanatili ang kaayusan ng buong komunidad.
###
