South Cotabato – Sumuko ang apat na miyembro ng Communist Terrorist Group sa mga otoridad ng South Cotabato sa Sitio. Nabol, Brgy. Lampitak. Tampakan, South Cotabato noong Hulyo 11, 2022.
Napasuko ang apat na Former Rebel (FR) sa masigasig at pagsusumikap ng Police Regional Office 12 (PRO12) sa pangunguna ng mga tauhan ng Tampakan Municipal Police Station, South Cotabato Provincial Intelligence Unit, 1st South Cotabato Provincial Mobile Force Company at 1205th RMFB12.
Ayon kay PBGen Alexander Tagum, Regional Director ng PRO12, sumuko ang apat na FR sa tulong ng kanilang Regionwide Community Outreach Program na “Oplan Kalinaw Reloaded” kaugnay sa programa ng National Task Force to End Local Communist Armed Conflict (NTF-ELCAC) na naghahatid ng iba’t ibang serbisyo sa mga malalayong lugar lalong lalo na sa mga indigenous people.
Ayon pa kay PBGen Tagum, kasama ng kanilang pagsuko ang mga kagamitan nilang pandigma na kabilang na ang dalawang Homemade Shot Gun; dalawang UZI Sub-machine gun at isang magazine.
Samantala, agad namang nabigyan sila ng financial assistance ng SCPPO ang mga FRs at kaagad na dinala ito sa Tampakan MPS para sa tamang disposisyon at dokumentasyon.
“Patuloy na susuportahan ng PRO 12 ang iisang hangarin ng ating bayan tungo sa pagkamit ng isang mapayapa at progresibong bansa,” ani PBGen Tagum.
Hinihikayat naman ng buong hanay ng PNP ang mga miyembro at pinuno ng mga komunistang grupo na magbalik loob na sa ating gobyerno dahil maraming programang nakalaan para sa kanila tungo sa pagbabagong buhay.
Source: Police Regional Office 12-Public Information Office
###
Panulat ni Patrolman Khnerwin Jay A Medelin
