Oriental Mindoro – Timbog ng otoridad ang apat na katao dahil sa paglabag sa Ordinansa laban sa Illegal Fishing na ipinatupad ng Munisipalidad ng Mansalay sa Brgy. B Del Mundo, Mansalay, Oriental Mindoro noong ika-6 ng Pebrero 2023.
Kinilala ni Police Captain Joel Saguid, Acting Chief of Police ng Mansalay MPS ang mga suspek na residente din ng nasabing lugar.
Ayon kay PCpt Saguid, nahuli sa akto ang mga ito ng mga tauhan ng Mansalay MPS habang nagsasagawa ng ilegal na pangingisda gamit ang fine mesh net.
Nakuha mula sa mga suspek ang humigit kumulang 15 kilo ng sari-saring isda at isang piraso ng “pukot” net.
Ang mga suspek ay papatawan ng kaparusahan para sa Paglabag sa Mansalay Municipal Ordinance No. 2006-21 (Illegal Fishing – “Pukot”).
Panulat ni Patrolman Erwin Calaus
