Butuan City – Arestado ang apat na lalaki na nang-holdap ng Php970,000 sa isang biktima sa kahabaan ng National Highway, P-6, Brgy. Ampayon, Butuan City nito lamang Huwebes, Abril 13, 2023.
Kinilala ni Police Colonel Marco Archinue, City Director ng Butuan City Police Office, ang mga naaresto na sina alyas “George”, 46, residente ng Purok Bayanihan, Brgy. Banaybanay, Davao Oriental; alyas “Gemar”, 36, residente ng Bucana Piso, Banaybanay, Davao Oriental; alyas “Llyod”, 29, residente ng P-4, Calubihan, Banaynay, Davao Oriental; at alyas “Manilito”, 42, residente ng P-2, Del Pilar, Mabini, Compostela Valley.
Bandang 11:00 ng umaga nang magreport ang pinsan ng biktima sa Butuan City Police Station-4 patungkol sa pangyayari at agad nagsagawa ng Hot Pursuit Operation at natiyempuhan ng mga awtoridad ang isang multi-cab na may sakay ng tatlong kahina-hinalang tao at napansin ang isa na may nakasukbit na baril sa kanyang baywang.
Agad namang pinababa ng tatlong sakay na suspek at positibong kinilala ng biktima habang tinutugis ng iba pang rumespondeng pulis ang pang-apat na suspek na may bitbit ng ninakaw na backpack na may lamang pera at naabutan ito malapit sa sapa sa Purok 7, Brgy. Tiniwisan, Butuan City.
Narekober mula sa mga suspek ang isang yunit ng Colt MK IV caliber .45 na may pitong bala at Serial No. 619473; isang yunit ng Para Ordnance Pistol P7 caliber .45 at may pitong bala at may buradong Serial No; mga wallet, Identification cards, cellphone at itim na bag na nagkakahalaga ng Php920,000.
“These suspects were allegedly notorious robbers who wanted to penetrate here in Butuan, unfortunately, the Butuan PNP will never let them do their evil plans here. Our operatives remain steadfast to relentlessly pursue criminals and put them behind bars. Rest assured that we will take tough actions against these suspects to hold them accountable for the crime they have committed,” pahayag ni PCol Archinue.
