Diokno Blvd., Paranaque City — Na-rescue ang apat na Chinese Nationals mula sa pagkaka-detain ng mga ito sa mga di pa kilalang suspek sa isinagawang follow-up operation ng Parañaque City Police Station nito lamang Lunes, Agosto 1, 2022.
Kinilala ni PBGen Jimili L Macaraeg, SPD Director ang mga narescue na biktima na sina Qin Zhong Liang, 30; Lu Qin Peng, 36; Zhuang Zhi Heng, 28; at Zhu, Quiri, 30, pawang nagtatrabaho bilang mga encoder.
Ayon kay PBGen Macaraeg, bandang 10:00 ng gabi nailigtas ang mga biktima sa isang gusali na matatagpuan sa Sen. Gil Puyat Avenue Ext. kanto Macapagal Blvd J.W. Diokno Blvd., Pasay City ng mga tauhan ng Paranaque CPS.
Ayon sa ulat, personal na humarap sa tanggapan ng Parañaque CPS ang asawa at kasintahan ng dalawang biktima na kinilalang sina Rhoda Grace Ebon y Artajo, 29; at Shiera Mae Zhu y Brioso, 28, na naghudyat sa agarang follow-up operation ng mga otoridad.
Dagdag pa ni PBGen Macaraeg, pagkarating doon ay agad napakawalan ng pulisya ang mga biktima subalit di nila naabutan ang mga suspek sa lugar.
Patuloy naman sa imbestigasyon ang mga pulisya sa naturang insidente.
“Binabati ko ang Parañaque police sa kanilang agarang pagtugon sa tungkulin kung kaya’t na-rescue ang mga biktima. Gayunpaman, hindi po titigil ang aming masusing imbestigasyon upang malaman kung sino-sino ang mga nasa likod ng insidenteng ito. Makaasa po kayo na kami ay patuloy na magseserbisyo at tutugon sa inyong pangangailangan para sa kaayusan at katahimikan ng ating lugar,” ani PBGen Macaraeg
Source: SPD PIO
###
Panulat ni PSSg Remelin M Gargantos
