Taguig City – Personal na sumuko at nagbalik-loob sa gobyerno ang apat na miyembro ng CPP/NPA NDF sa mga tauhan ng RMFB-NCRPO Intelligence Section/F2, RMFB sa pamumuno ni Force Commander Police Colonel Jonathan Calixto nito lamang Huwebes, Marso 29, 2023.
Ayon sa mga sumuko, hindi naging madali ang kanilang buhay bilang mga rebelde na tumutuligsa sa pamahalaan, pinangakuan din ang kanilang pamilya ng suporta habang sila ay nasa kabundukan subalit nagutom ang kanilang pamilya at pinabayaan, na naging dahilan upang tuluyan na silang tumalikod sa pagiging miyembro ng grupo.
Bilang simbulo ng pagsuko, ginupit ng mga ito ang bandila ng CPP/NPA, at isinuko ang mga armas at iba pang mga gamit.
“Patuloy po nating hinihikayat ang ating mga natitira pang kababayan na nasa panig pa ng CPP/NPA na magbalik-loob sa ating gobyerno, bukas po ang pintuan ng PNP, upang tanggapin po kayo at tulungan, kasama nyo po kami upang yakapin ang kapayapaan na hinahangad nating lahat,” pahayag ni PCol Calixto.
Source: RMFB PIO
Panulat ni PSSg Remelin M Gargantos
