Southern Leyte – Arestado ang apat na High Value Individual sa ikinasang buy-bust operation ng mga operatiba ng Southern Leyte PNP at PDEA 8 sa Brgy. Combado, Maasin City, Southern Leyte, nito lamang Agosto 22, 2023.
Kinilala ni Police Lieutenant Colonel Jayson Payac Balbarona, Chief of Police ng Maasin CPS, ang mga suspek na sina Jeric, 45; Virgillo, 54; Elmer, 49; at Crisanto, 42; pawang mga residente ng Maasin City, Southern Leyte at High Value Individual.
Bandang 3:50 ng hapon ng ikinasa ang operasyon ng pinagsamang tauhan ng Maasin City Police Station, Provincial Intelligence Team – Regional Intelligence Unit 8 Southern Leyte at Philippine Drug Enforcement Agency 8.
Nakuha mula sa mga suspek ang 10 piraso ng heat-sealed transparent plastic sachet na naglalaman ng hinihinalang Shabu na may timbang na 30 gramo na nagkakahalaga ng Php204,000 at iba pang drug paraphernalia.
Mahaharap ang mga suspek sa kasong paglabag sa Section 5 at 11, ng Article II ng RA 9165 o Comprehensive Dangerous Drugs Act of 2002.
Tinitiyak naman ng PNP at PDEA na magpapatuloy ang kanilang mas pinaigting na kampanya upang masugpo ang ilegal na droga sa buong probinsya ng Southern Leyte para sa mas ligtas at maayos na pamayanan.
