Sumuko ang apat (4) na miyembro ng Communist Terrorist Group sa mga awtoridad sa iba’t ibang bahagi ng Rehiyong Bicol noong Hunyo 16, 2025.
Kinilala ni Police Brigadier General Andre P Dizon, Regional Director ng Police Regional Office 5, ang mga sumuko sa Lungsong ng Naga na sina alyas “Mae” at “Luna,” na konektado sa Kadamay Network at sumuko sa Naga City Police Office; si alyas “Sonny,” na mula sa Catanduanes, na kaanib ng KSPN PUSA, KP2, na sumuko sa 2nd Provincial Mobile Force Company at iba pang lokal na yunit ng pulisya; at si “Alex” na mula sa Camarines Sur ang sumuko sa Platoon 3, Sub Regional Committee 5, BRPC, isinuko rin nito ang isang 9mm Parabellum na baril na may mga bala.
Ang mga pagsukong ito ay bunga ng tuloy-tuloy na pagpapatupad ng Retooled Community Support Program (RCSP) sa ilalim ng pamumuno ni PBGen Dizon. Layunin ng programang ito na makipag-ugnayan sa mga komunidad at itaguyod ang kapayapaan sa pamamagitan ng mga impormasyon drive at dialogo. Kabilang sa mga benepisyong maaaring matanggap ng mga sumukong rebelde ay ang tulong pangkabuhayan, pagsasanay sa kabuhayan, at reintegrasyon sa lipunan. Hinikayat ng PRO 5 ang iba pang miyembro ng CTG na samantalahin ang pagkakataong ito upang magbagong-buhay at muling makapiling ang kanilang pamilya.
Source: PNP Kasurog Bicol Facebook Page
Panulat ni PSSg Mercolito P Lovendino Jr
