Isinagawa ng mga tauhan ng Regional Medical and Dental Unit 3 ang Enhanced Monitoring of Police Overall Wellness 3rd Quarter Visit sa Waltermart Balanga, Balanga City, Bataan nito lamang Miyerkules, ika-4 ng Disyembre 2024.
Matagumpay ang aktibidad sa ilalim ng pamumuno ni Police Colonel Jonard J De Guzman, Chief ng RMDU 3, katuwang ang Bataan Police Provincial Office na pinamunuan ni Police Colonel Palmer Z Trial, Provincial Director.
Kabilang sa mga serbisyong ibinigay ay ang registration, monitoring ng vital signs, BMI assessment, basic laboratory diagnostics, medical at eye consultations, at pamamahagi ng libreng gamot at reading eyeglasses.
Nagkaroon din ng Flu Vaccination Activity bilang bahagi ng hakbang upang maiwasan ang mga sakit.
Ang EMPOw ay naglalayong tiyakin na ang mga pulis ay mananatiling malusog at handang gampanan ang kanilang tungkulin sa paglilingkod at pangangalaga sa komunidad.
Sa pamamagitan nito, muling pinagtitibay ng PNP ang kanilang dedikasyon sa kapakanan ng kanilang mga tauhan, na mahalagang bahagi ng pagbibigay ng epektibong serbisyo-publiko.
