Arestado ang isang 38-anyos na lalaki sa isinagawang anti-illegal drug buy-bust operation ng Solsona Municipal Police Station sa Barangay Talugtog, Solsona, Ilocos Norte nito lamang Pebrero 23, 2025.
Kinilala ang suspek na si alyas “Jomar”, 38-anyos, may asawa at residente ng Barangay Juan, Solsona.
Positibong nahuli ang suspek sa aktong pagbebenta ng hinihinalang shabu sa isang operatiba na nagpanggap na poseur-buyer.
Nasamsam mula sa suspek ay ang isang gramo ng hinihinalang shabu na nagkakahalaga ng Php6,800 na nakalagay sa tatlong heat-sealed transparent plastic sachets, isang Php1,000 bill (marked money), isang Php100 peso bill, isang Php50 peso bill, isang transparent plastic sachet, Oppo cellphone at isang (1) Euro 150 motorcycle (kurong-kurong).
Matapos ang operasyon, isinailalim ang suspek o sa pagbasa ng kanyang mga karapatan at dinala sa ospital para sa medikal na pagsusuri. Ang nakumpiskang ebidensya naman ay ipinasakamay sa Provincial Forensic Unit ng Ilocos Norte para sa laboratory examination.
Samantala, patuloy ang mas pinaigting na kampanya ng mga awtoridad laban sa ilegal na droga upang mapanatili ang kapayapaan at kaayusan sa lalawigan.
Source: Solsona MPS
Panulat ni PMSg Marvin Jake Romero
