Rizal, Occidental Mindoro – Nagsagawa ng Community Outreach Program ang mga tauhan ng Rizal Municipal Police Station sa 350 na estudyante kasama ang kanilang mga magulang ng Aguas Elementary School, Brgy. Aguas, Rizal, Occidental Mindoro noong Setyembre 15, 2022.
Ang aktibidad ay pinangunahan ng Rizal Municipal Police Station sa pangunguna ni Police Lieutenant Felifran Mae Ello, Deputy Chief of Police ng Rizal MPS kasama ang mga tauhan ng 3rd Platoon, 1st Occidental Mindoro Provincial Mobile Force Company, Aljen Enterprise, mga guro at Barangay Officials sa nasabing Barangay.
Namahagi ang grupo ng libreng school supplies, tsinelas, payong, bagong bag at isang bisikleta para sa maswerteng bata na napili. Gayundin, nagsagawa din ng iba’t ibang palaro sa mga bata maging sa mga magulang na may kaukulang papremyo at libreng pagkain para sa lahat ng dumalo.
Layunin nitong maghatid ng mga pangunahing serbisyo sa mga mamamayan lalo na sa mga kabataan.
Patunay na ang PNP ay handang tumulong sa anumang paraan at sa abot ng kanilang makakaya upang magbigay serbisyo sa ating mga kababayan.
Source: Rizal Municipal Police Station OccMin PPO
Panulat ni Patrolman Erwin Calaus
