Arestado ang isang lalaki matapos mahulihan ng ilegal na droga habang sumasailalim sa PNP Checkpoint sa CPAC Alpha, Crossing Saging, Barangay Pangi, Maitum, Sarangani Province, nito lamang Pebrero 16, 2024.
Kinilala ni Police Major Bernard Francia, Station Commander ng Maitum Municipal Police Station, ang suspek na si alyas “Wing-Wing, 34 anyos, may asawa, negosyante, residente ng Barangay Mabay, Maitum, Sarangani Province.
Ayon kay PMaj Francia, nakuha mula sa suspek ang tatlong pakete ng hinihinalang shabu na may bigat na 4.55 gramo at may street market value na Php30,940.
Ang suspek ay nasa kustodiya na ng nasabing istasyon upang sampahan ng kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na pagsasagawa ng checkpoint ay isang hakbang na nagpapakita ng malaking suporta sa mga programa ng ating Pangulong Ferdinand Marcos Jr. sa kampanya kontra kriminalidad lalo na ang pagsugpo sa ilegal na droga sa bansa na itinuturing niyang pangunahing hakbang sa pagtataguyod ng isang Bagong Pilipinas.
Panulat ni Patrolwoman Rhesalie Umalay
