Quezon City — Idinaos ng Pambansang Pulisya ng Pilipinas ang ika-32na taong pagkakatatag nito sa ilalim ng Republic Act No. 6975 o “An Act Establishing the Philippine National Police under a Reorganized Department of the Interior and Local Government (DILG) nito lamang Enero 30, 2023 sa National Headquarters, Camp BGen Rafael T Crame, Quezon City kasabay ng Traditional Monday Flag Raising Ceremony.
Ang naturang selebrasyon ay may temang “Patuloy na Serbisyo Publiko, Handog ng Pambansang Kapulisan na may Malasakit, Kaayusan, at Kapayaan Tungo sa Kaunlaran ng Ating Bayan.”
Panauhing pandangal si Hon. Dan S Fernandez, House of Representative ng Lone District ng Santa Rosa at Chairperson din ng House Committee on Public Order and Safety kung saan kanyang nabanggit ang mga nilikha nilang Bill para sa mga miyembro ng PNP kabilang na rito ang “Free Legal Assistance for PNP personnel”, “Strengthen the Recruitment, Selection and Appointment Process of Uniformed personnel in the PNP”, “Permanent Disability Benefits of PNP members”, at “Grant of Purchase Discounts of active PNP Personnel”, na ayon sa kanya ay bilang pasasalamat ng sambayanan sa kanilang 24/7 na pagbibigay serbisyong publiko.
Pinangaralan naman ang 15 miyembro ng PNP ng Medalya ng Kadakilaan, samantala, Medalya ng Katangitanging Gawa at Medalya ng Pagtulong sa Nasalanta ang iginawad sa dalawang Non-uniformed Personnel.
Ipinarating naman ni Police General Rodolfo S Azurin, Jr., Hepe ng Pambansang Pulisya, ang kanyang mensahe sa buong hanay ng pulisya, aniya, “Let us continue to strive for excellence and uphold the highest standard of the Philippine National Police. I trust that with your dedication, professionalism, and commitment, the PNP would truly bring peace, stability and prosperity to our nation.”
Sa pagtatapos ng programa, nagkaroon din ng Wreath-Laying Ceremony sa Bantayog ng mga Bayaning Tagapamayapa bilang pag-alala sa mga bayaning pulis na nag-alay ng kanilang buhay para sa bansa.
###
